Hernaniko ikastetxeetan tratu onak sustatuz proiektua

Hernaniko udaleko Berdintasun Arloak antolatzen duen "Hernaniko ikastetxeetan tratu onak sustatuz, emakumeen kontrako tratu txarren prebentzioa" proiektuarekin hasiko dira bihar 3. mailako ikasleak (alboko egutegian ikus dezakezuen bezala). Talde bakoitzak hiru saio egingo ditu (bi ordukoak) bihar, azaroak 24, hasita. Datorren astean bigarrenarekin jarraituko dute eta asteazkenean, abenduak 3, azken saioa egingo dute. Ikasleen saioak bukatzean gurasoekin bilera bat antolatuko dugu aurrera eramandako proiektu honen inguruko informazioa zabaldu nahian.